Mesat ngapung luhur jauh di awang-awang
Meberkeun janjangna bangun taya karingrang
Kukuna ranggaos reujang pamatukna ngeluk
Ngapak mega bari hiberna tarik nyuruwuk
Saha anu bisa nyusul kana tandangna
Gandang jeung partentang taya bandinganana
Dipika gimir dipika serab susah sama
Taya karempan ka sieun leber wawanena

Reff:
Manuk dadali manuk panggagahna
perlambang sakti Indonesia jaya
Manuk dadali pangka koncarana
Resep ngahiji rukun sakabehna

Hirup sauyunan tara pahiri hiri
Silih pikanyaah teung inggis bela pati
Manuk dadali ngandung siloka sinatria
Keur sakumna bangsa di Nagara Indonesia